Niko se ni zbudil.

„Kaj da delam? Imam jednu čudnu ideju. Onaj glupi Monitor mi je pokazal katedralu na briegu iznad J… placa kad mi je rekel put prema placu čez briege. Idem tam. Imam osiećaj da bum tam siguren.“

***

„Senje su tak čudna i divna stvar! Ovi Zemlani su blagoslovleni ž njemi. Tak su glupi v odnosu na nas- a tak blagoslovleni. Bitek je zeznul stvar. Trebal je nam dati senje…“ veli stvor zelene boje kože.

„Da, Broj Jen, fakat si glup! Nam senje, a njemi pamet. Onda bi mi bili pokusni kunići, a oni eksperimentatori.“

„Ne, Broj Dva! Nis to mislil. Nek sem mislil: nam i sposobnost senjanja i inteligenciju.“

„Stajne je skroz v redu. Worker Worse i dale senja.“

To se zapraf naš Radnik ovo jutro ni ni zbudil. Kak ni niko na Zemle v jutro v svoje vremenske zone. Saki v sve postele. Pa tak i Lik Likota. I Želko Kordić. I Frajno Franceković. I Blaženka Blažić. Saki v sve postele. Si su oni to samo senjali. Pricipi su je zaspali ze svem Senjatorom. Atmosferu su zamračili- tak da ni trun svietla ne dojde na Zemlu i sigde na planete je trdna kmica. Šteli su postići to da zamrzneju bioritme ludi na noćne uviete tak da ludi čim bole spiju i živje senjaju.

 A zakaj? Principi ne senjaju. Oni su došli v Zemlinu orbitu krasti nam Zemlanom senje. Tak da moreju uživati v njemi. A nas ko šiša- mi nek prespimo svoj život.

 „Dan drugi počinje… sad.“ javi se Senjator.

***

„Dan je! poveseli se Radnik.

Šatori su v taj čas nestali skup z vojniki i park je postal pusti.

„Tu mi nekaj smrdi! Ni valda da sem i ja zaspal?“

Ščekne se. I to ga je zabolelo. Ali samo zato- kaj mu je tu bol poslal Senjator z električnem impulsom.

„Au! Boli! Znači ipak da sem buden.“

Popenjal se v snu na K…, ali da ni bil sviesten da senja. Zašel je v Velegradsku prvostolnicu.

„Nikad nis bil viernik. Nis odgojen v vierničkem duvu. Starci su mi bili agnostiki. Pak sem i ja agnostik! Ima tu nekaj, Bog postoji. V duvu se moreš ž njem spominati..“

***

Zelenec Broj Jen: „Jasno da ga moreš! Sam si ti preglup da bi se ž njem spominal. Jel tak, Broj Dva?“

„Jasno, Broj Jen!“

Oni se ž Njem spominaju v svemi meditacijami.