"...Kak ih je dragi Bogek
tak pofarbane i zmežurane napravil? Fakat su grdi! Bogek, reci mi, prosim te.“
Radnik je znal da su te rieči koje misli da su Bože rieči
misli v njegve glave, ali pretpostavla da bi (v slučaju da zbila more čuti kaj
mu Bog pripovieda) to bile baš takve misli. Evo tih misli:
„Ja nis stvoril
nijedno grdo stvorejne. Ali Principi su se odvojili od mene.I to mi je
jako žal. A kad se neko odvoji od mene,
taj posle smrti ne dojde v raj. Ne zato kaj bi ja to tak štel i kaznil ga kak
nekavi strašni Bog kaznitel, nek zato kaj poštivam sičiju slobodnu volu.“
„Jel ih ja morem
pridobiti da se vrneju nazad v tvoje krilo?“
Ali na to pitajne ni dobil odgovora.
„Ima nekaj kaj se
odvija v mene, nekaj jako dobro i kvalitetno. Ali nekak ne znam kak bi to
izrazil.“
Zide van z katedrale. Zajde v obližnu knižaru. Upali
komputor, zajde u „Word“ i počne pisati. I tak par dan dok ni spripovedal cielu
ovu priču; od početka o Liku, pa do sad v knižare. Malo mu je bilo čudno
kaj niš ni gladen. Ni žeden. Niti treba iti na šekret. Samo je pisal. Polako. Z
kažiprsti. Dok ni se napisal.
„Pitam se kaj je
Tvorec štel da ovo napišem. Kaj Ti veliš?“
„Dobro je!“
dojde mu misel kaj mu je zvučala kak da je od Stvoritela.
„Ajde dobro da je
tak!“
Dojde mu misel: „Kaj če se ovo i dale samo senjam? A oni
Principi sad na neku čudnu foru glediju kaj ja senjam. To bi bilo fakat
ne-obično!“
„Gledimo mi tebe,
gledimo.“ začuje se glas.
„Explain!“
„Baš liepo senjaš.
Kak vostalom i si ludi na ove planete kaj ju zovete Zemla. Samo tak nastavi,
baš uživamo!“
„Znači mi vam
dojdemo kak nekakva satelitska televizija z sedam milijardi kanalov?“
„Baš tak!“
„Ali vi nas
zlorabite po tem pitajnu!! Prekleti bili!“
„Pa kaj če vas
zlorabimo?! (Čudna mi čuda.) Jaki su navek vladali nad slabijemi. Kaj ni tak i
na vaše planete; bilo, je i bu?“
„Zbudi se! Zbudi
se! Zbudi se!“ proba se zbuditi Worker Worse. Ali bez uspieha. Kolko god se
trudil- niš od tega!
„Senjator je
premoćen da bi se zbudil“ veli Glas. „Da
bi se iko od vas zbudil. Ahahaha!“
„Tatek, zakaj si im
dal smej? Tak se još više moreju naslađvati z našum mukum!“
„To je moj dar njem
i vam. Ali i moji dari se moreju zlorabiti.“
„Ak me iko čuje,
nek se proba zbuditi!“
Začuje se jen (drugi) moćni glas, z prizvukom velikega roja čel: "Da, Radnik, čujemo te.“
Nema komentara:
Objavi komentar