1. Buđejne NOĆ

 Lik je senjal... nekaj... Sad se već ne sieća kaj- predugo se okretal v polusnu, pa je zabil. Vani je još noć, ali je blizu svitajne, pa moremo reći da je jutro. (Autor zadržava pravo da odredi jutro kak vrieme za zdigajne!)
 Ajde, Lik... ZDIGNI SE!  Da mu damo ime (liku)? Ne. Ili ne još. Nek bu Bezimeni. Ili bolje samo Lik. "Just Lik." kak se on voli predstavlati ljudima z kojemi se tek upoznava.
 Je da... Nejde to sam tak..! Liku se jako spi i štel bi još spati, makar je već vrieme za zdignuti se i iti na posel, jer.. radio budilica se uprav upalila.
 "Lik... ak se ne zdigneš- z mrzlum vodum te bum polejal!" Odlučni glas Lika seniora odzvajna Liku glave. Lik mrzi mrzlu vodu. I po letu se tušera z toplum vodum.  
"Opet  onaj  glupi jingle..!" Glas voditelice programa guguće: "Dobro jutro!" Prvi put tiše. Pa malo glasnije. Pa... mu se- ZADERE v uvo! 
 Fiju! Lik od silne nelagode jako trgne i... završi na podu!
"Uf! Koja glupa noćna... pardon, ranojutarnja- mora! Tak ti si na sprevodu drli u uvo... Glupa voditelica. Čovek bi rekel da sem se zatelebal v nju. Sako jutro me budi. Ali ovak... da ju vidim v mučnem snu. I da me iče z postele. To si pak ni zamisliti nis mogel!"
  Lik je buden. Zvlači ispod deke. Sediva na krevet. Lik polako navlači na se svoje denešnje  bokserice. Manca oči.

 Polako se (kak puž brzo) oblekel. Itil vu se sendviček z čajnum kobasum kaj ga je snoć napravil. 
 Zide iz iže. Gledi... "Kaj je ovo?! " misli si. "Već je trebalo svanuti!" Gledi na vuru. "Pa da... mogel bi se zakleti da je čera v ovo vrieme (sto  posto!) već bil dan. I... kakva je ovo megla?! Bi čovek očekival da na ovakvo letno jutro liepo počne liepi sunčani dan. A kaj je ovo: kmica i megla! Nekak sem si računal da bi još jedno keden, dva delal... i onda poiskal od svega šefa godišni. Prešel na more i to... Kaj... mi je... denes? Nemrem se nikak setiti kak idem na posel! Z autom? Ili z autobusom?"
 Napravi par korakov. Iii... skoro dum! Zamalo se zabil v zid svoje garaže! Tak je gusta denes megla.
"Ovo je fakat čudno! Kaj mi je Đurđa konobarica čera v gradskem kafiću natočila v vruću čokoladu nekakvu drogicu?! Skorom sem si nos rezbil na zidu ove garaže... koju...  prepoznam  kak svoju."
 Otpre vrata garaže, ali...  ona je prazna, nutrekaj ni nikakov auto. Čak ni becikel!
"Dobro, idem  na bus." Iti brzi pogled na vuru na zidu, z likom Isusa i Majke Božje, koji mu je ostal od roditelov onega dana kad su njih dva poginuli v prometne nesreće. 
"Uf, zajdni je cajt da krenem na bus."